Оюутолгой компанид ийм аймшгийн хэрэг гарчихаад байхад надтай нэг ч удаа холбогдоогүй

Нийгэм, Эдийн засаг Admin Today2018-10-24 08:41:371763

Өнгөрсөн сарын 04-ны орой 21:00 цагийн үед /2018. 09. 04/ "Оюутолгой" компанийн кэмпэд хүчингийн хэрэг гарсан талаар манай сайт өмнө нь мэдээлж байсан билээ. Тэгвэл хохирогч эмэгтэй Улаанбаатарт эмчилгээ хийлгэж байгаа бөгөөд түүнтэй zarig.mn сайт уулзаж, ярилцжээ.

-Та "Оюутолгой" компанид хэр удаан ажиллаж байна вэ. Тухайн өдөр болсон үйл явдлын талаар ярьж болох уу?

Би "Оюутолгой"-н туслан гүйцэтгэгч компанид тогоочоор ажиллаад хоёр жил болж байна. Тогоочийн цалин бага учраас хүүхдүүдээ тэжээхийн тулд илүү цагаар ажилладаг.

Тухайн өдөр ажлаа тараад явах цагаа бүртгүүлж хурууныхаа хээг уншуулахаар сургалтын байр руу явсан. Гэтэл үүдэнд нь танихгүй эрэгтэй зогсч байсан. Түүнийг цэнгээний газраас гарч яваа юм байна гэж бодоод өнгөрсөн. Гэтэл над дээр ирээд танилцая, чамайг дуудаад байхад яагаад хардаггүй юм гэх зэргээр шууд яриа өдөж эхэлсэн. Тэгээд биед хүрэх гэхээр нь "Хамгаалалтын алба дуудлаа шүү" гэсэн чинь уурлаад намайг байр руу чирч оруулсан. Тухайн үед аврал эрж зөндөө хашгирсан боловч хэн ч туслаагүйн дээр тэнд харанхуй нэг ч хүн байгаагүй. Оффисын байр руу чирч ороод нүүр нүдгүй цохиж зодож, зүй бусаар хүчирхийлсэн. /уйлав/

-Оюутолгойн кэмпийг харуул, хамгаалалт сайтай гэж ойлгодог. Хамгаалагч нь байгаагүй юм уу?

Хүн болгон тэгж боддог. Би ч гэсэн хоёр жил ажиллахдаа хамгаалалт сайтай гэж боддог байлаа. Ийм аймшигтай хэрэг тохиолдоно гэж төсөөлж ч явсангүй. Камергүй, гэрэлтүүлэг муутай. Уг нь "Бамбай" гэх хамгаалалтын албаны хамгаалагч нар эргүүлд гардаг. Харин тэр өдөр хэн ч байгаагүй.

-Тэр залууг зүс таних уу, хаана ямар ажил хийдэг юм бол?

Өмнө нь харж байгаагүй. Зарим хүн надтай уулздаг байсан, танилууд гэж буруу ойлгоод байх шиг байна лээ. Хэрэг гарснаас хойш тэр залуугийн тухай бага сага мэдээлэлтэй болсон. Миний олж мэдсэнээр "Оюутолгой"-н туслан гүйцэтгэгч компанид механикч хийдэг гэсэн. Өмнө нь танхай, залилангийн хэргээр ял эдэлж байгаад Өршөөлийн хуулиар суллагдсан юм байна лээ. Хэрэв Өршөөлийн хуульд хамрагдаагүй бол шоронд сууж байх ёстой хүн юм байна. "Оюутолгой"-н туслан гүйцэтгэгч компанид ажилд ороод гурван сар болж байгаа гэсэн. Ер нь их хэрцгий хүн байсан. Чамайг хашгираад байвал хутгална шүү, надад хутга байна гэж намайг айлган сүрдүүлж элдэв хараалын үг хэлж байсан. Тухайн үед үнэхээр аймшигтай санагдсан. Өндөр, том биетэй залуу байсан учраас би яаж ч чадаагүй. Одоо ч гэсэн айж байна. Намайг хүчирхийлээд зогсохгүй хөл гар, толгой руу удаа дараа цохиж цус нөжтэй хутгасан. Би тэнд амиа алдаж ч магадгүй байсан.

-Сэжигтэн этгээдийг тэр дор нь саатуулсан уу. Цагдаагийн байгууллагад хэзээ хандсан бэ?

Хэрэг гарсны дараа шууд кэмпийн эмнэлэгт хандаж, Өмнөговь аймгийн Ханбогд сумын цагдаагийн газар дуудлага өгсөн.

Сургалтын байрны гадна, дотор ямар ч камер байгаагүй болохоор хэрэгтэнг олоход хэцүү байсан. Намайг эмнэлэгт байхад Оюутолгойд ажилладаг 10.000 гаруй хүний зургийг бүртгэлээс харуулж таниулах ажлыг цагдаагийнхан эхлүүлсэн. Миний биеийн байдал хүнд тэр олон хүний зургийг харж чадахааргүй байсан учраас тэнд ажилладаг цэнгээний газрын камер шүүхийг санал болгосон. Тэр камерыг шүүхэд намайг хүчиндсэн залуу гурван эмэгтэйтэй гар явсан бичлэг үлдсэн байсан. Цагдаа нар тэр дор нь саатуулж чадаагүй, хэрэг гарснаас гурав хоногийн дараа таньж олсон болохоор ажлаасаа чөлөө аваад Улаанбаатар хот руу явчихсан байсан. Тэгээд хэрэг гардаг өдрөөс 20 хоногийн дараа Улаанбаатар хотоос баривчилсан.

-Хэрэг шийдвэрлэлт ямар шатандаа яваа бол. Эрхээ хамгаалах талаар хуулийн багаас дэмжлэг авч байгаа юу?

Ямар ч байсан цагдаа нар харгис, хэрцгий этээдийг саатуулсан. Надад гурван өмгөөлөгч хуулийн зөвлөгөө өгч байгаа. Хэргийн мөрдөн байцаалт дуусаад одоо прокурорт шилжиж байна. Шүүх эмнэлгийн дүгнэлтээр түүнийг хүчингийн хэрэг хийснийг тогтоосон. Гурван ч удаа шинжилгээ авсан.

-Одоо таны биеийн байдал хэр байна вэ?

Хэрэг гарсны дараа хэд хэдэн удаа амиа хорлохыг завдсан. Сэтгэл санааны хувьд маш хүнд байна. Одоо ч шокын байдлаасаа гарч чадахгүй л байна. Ар гэрийнхэн, хүүхдүүдтэйгээ уулзаж чадахгүй, хэргийн араас хөөцөлдөж явна. Энэ талаар сонсоод өндөр настай аавын маань бие нь муудсан. Бидний нөхцөл байдал маш хүнд байна.

-"Оюутолгой" болон таны ажилладаг компанийн зүгээс асууж сураглаж, тусалж дэмжиж байгаа юу?

Оюутолгой компани надтай нэг ч удаа холбогдоогүй. Харин манай компани холбоотой байгаа. Би нэг зүйлд их гомдолтой байна. Оюутолгой компанид ийм аймшгийн хэрэг гарч, миний бие эрүүл мэнд сэтгэл санаагаараа хохирчихлоо. Хэрэв Оюутолгой компанийн харуул хамгаалалт сайн байсан бол би өнөөдөр хүчирхийллийн золиос болохгүй байсан. Ерөнхий Сайд У.Хүрэлсүх хүчирхийлэлд өртсөн эмэгтэйчүүдээс уучлалт гуйсан, гэтэл Оюутолгой компани надтай нэг ч холбоо бариагүй, уучлалт гуйгаагүйд гомдож, харамсч байна. Би дүүгээрээ дамжуулж хэвлэл мэдээлэлд хандсан. Гэвч Монголын бүх хэвлэл мэдээллийн байгууллага Оюутолгой компанитай гэрээтэй байдаг бололтой юм. Хамгаалалттай бүсэд, хүчингийн хэрэг гарчихаад байхад хэн ч мэдээлэхгүй байгаад бас гайхаж байна.

-"Оюутолгой" компанийн кэмпэд баар ажилладаг юм байна. Ер нь гэмт хэрэг гардаг уу?

Өнгөрсөн оны хавар хүчингийн хэрэг гарсныг нууцлаад, дарагдаад өнгөрсөн гэж сонссон. Ер нь өмнө танхай, хүчингийн хэрэг гардаг тухайн компанийн зүгээс нууцлаад өнгөрдөг.

Ярилцсан Н.Өнөрцэцэг

Эх сурвалж: www.zarig.mn

Сэтгэгдэл үлдээх

Сэтгэгдлүүд

зочин
2018-11-06 20:59:25

Энэ эмэгтэйн ярьснаар Оюу толгой компани хэвлэл мэдээллийн байгууллагуудтай гэрээтэй учир тэдний хар мэдээг нийтэд цацахгүй юм. Тэгвэл Оюутолгой Монголын бүх засаглалыг худалдаад авчихаж дээ. Мөнгөнөөс бүхнээ өгсөн монголчууд болж дээ. Ядарсан нэг нь дээд сургууль төгсөөд ажилд орж чадахгүй байхад Ш

er ni mongolchuud xuniig mal shig ajilluulcjixaad baga tsalin ugdug tsaad talaasaa asar ix mungunavch baigaa shuu dee tegged olon niited yarixdaa baaxan zovlon tootsood bara aldagdaltai ajillada yum shig yaridag er ni mongolchuudad itgej baisnaas san gada
2018-11-02 18:16:21

zochin

Оюутолгой компанид ийм аймшгийн хэрэг гарчихаад байхад надтай нэг ч удаа холбогдоогүй