Батлан даалтад гарсан Н.Батбаяр Архангайд нэр дэвшжээ

Улс төр Монгол Админ 2017 03 сар 20 556

Н.Батбаяр

Эдийн засгийн хөгжлийн сайд асан Н.Батбаярыг батлан даалтад гаргах захирамжийг энэ сарын 7-ны өдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхээс гаргасан билээ. Тэгвэл тэрбээр Ардчилсан намын дотоод сонгуульд нэр дэвшжээ. Архангай аймгийн Үндэсний бодлогын хороонд Д.Ганхуягийн хамт нэр дэвшиж өнөөдөр үнэмлэхээ гардан авсан байна.

Авлигатай тэмцэх газраас өнгөрсөн сарын 21-нд түүнийг сэжигтнээр татан баривчилж, ШШГЕГ-ын харьяа цагдан хорих 461 дүгээр ангид цагдан хорьсон. Цагдан хорих хугацаа дуусч, Нийслэлийн прокурорын газраас үргэлжлүүлэн яллагдагчаар цагдан хорих санал ирүүлснийг шүүх хэрэгсэхгүй болгосон.

Н.Батбаярын өмгөөлөгчийн гаргасан хүсэлтийн дагуу эрүүл мэнд болон хувийн байдлыг харгалзан үзэж, цагдан хорих, таслан сэргийлэх арга хэмжээг нь өөрчилсөн гэдгийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхээс мэдээлсэн. Түүнийг албан тушаалаа урвуулан ашигласан хэмээн шалгаж байгаа билээ.

Эх сурвалж: www.24tsag.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх

Сэтгэгдлүүд

зочин 2017 03 сар 20

хэрэгтнүүд бүр солиолчээ мөнгө байвал сэжигтэн бн ч нэр дэвшиж бг Архангайчүүд ухаантай бна шүү энэ согтуу юу ч ярьж, та нарыг уярааж магадгүй сонголт та нарын гарт хэрвээ нэр дэвшүүлбэл АХБ ны өрийг нь төлүүл наад хүн чинь улс орон ард түмнээ өрөнд оруулсан хүн шүү одоо 2 хоногийн дараа манай улс