TRQ-ийн хувьцааны ханш өслөө

Дэлхий Галаа Галаа 2017 05 сар 19 481

“Оюутолгой”-ийн хөрөнгө оруулагч “Turquoise Hill Resources” компанийн хувьцааны ханш Торонтогийн хөрөнгийн биржийн мягмар гарагт 5.26 хувиар өсөж, 3.8 канад доллар болсон байна. Ингэснээр “Turquoise Hill Resources”-ийн нийт үнэлгээ 7.65 тэрбум канад доллар болж, нийт 2.01 тэрбум ширхэг хувьцааг арилжжээ. Тус компанийн нэгдүгээр улирлын орлого 237.5 сая канад долларт хүрч, зах зээлийн хүлээлтээс давсан нь ийнхүү хувьцааны ханшид нь эергээр нөлөөлжээ.

Харин Хонгконгийн хөрөнгийн биржид бүртгэлтэй “Southgobi Resources” компани Овоот Толгойн ордын нүүрсний нөөцийг 302.2 сая тоннд хүрнэ гэж таамаглаж буйгаа техникийн тайландаа дурджээ. Үүний хэмжигдсэн нөөц нь 201.9, таамаг нөөц нь 100.3 сая тонн гэж үзэж байна. Өмнөговь аймгийн нутагт орших Овоот Толгойн нүүрсний ордын тусгай зөвшөөрлийг “Southgobi Resources” эзэмшиж, олборлолт хийж байгаа юм.

Эх сурвалж: ubinfo.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх