Босго оноо хүрээгүй элсэгчдийг элсүүлсэн сургуульд хариуцлага тооцно

Боловсрол Галаа Галаа 2017 07 сар 12 3401

Их, дээд сургууль, коллежиуд ерөнхий шалгалтын босго оноо нь 400-гаас доош байсан хүүхдүүдийг элсүүлэх ёсгүй. 

Учир нь БСШУС-ын сайдын 2017 оны 4 сарын 14-ний өдрийн “Босго оноо тогтоох тухай” А/131 дүгээр тушаалаар “Өмчийн хэлбэр харгалзахгүй дээд боловсролын сургалтын байгууллагад 2017-2018 оны хичээлийн жилд бакалаврын хөтөлбөрт оюутан элсүүлэх ерөнхий шалгалтын босго оноог 400 байхаар тогтоосон”. Гэвч Боловсрол, шинжлэх ухааны сайдын 2013 оны А/79 дүгээр тушаалаар баталсан “Оюутан элсүүлэх журам” болон босго оноог тогтоосон А/131 тушаалыг зөрчин, 400-гаас доош оноотой иргэдийг элсүүлсэн сургуулиуд байгаа бололтой. 

Учир нь, 400-гаас доогуур оноотой элсэгчдийг хүчингүй гэж үзэж Боловсролын салбарын мэдээллийн системд бүртгэхгүй, төгсөгчдөд боловсролын баримт бичиг олгохгүйг гэдгийг холбогдох байгууллагууд нь хариуцлагатайгаар мэдэгдэж, үүнтэй холбогдон гарах бүх эрсдэл, хариуцлагыг тухайн сургуулийн захирал хариуцахыг анхааруулсан байна. 

Мөн Дээд боловсролын хэлтсээс элсэгчдэд буруу ташаа мэдээлэл түгээх, хууран мэхлэх, залилах маягтай элсүүлэх явдал нь хууль бус бөгөөд ирэх хичээлийн жилээс босго онооноос доогуур оюутан элсүүлсэн сургуульд авах арга хэмжээний санал боловсруулагдаж байгааг анхааруулжээ.

Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх

Сэтгэгдлүүд

sh 2017 07 сар 15

yg zow shudrag yum heregtei