Дакота Жонсон Анжелина Жолиг хулгайн нүдээр харав

Урлаг, Спорт Admin Галаа 2018 01 сар 09 1158

"Грэйн 50 сүүдэр" киноны од Дакота Жонсон олон нийтийн газар хэзээд биеэ барилгүй өөрийнхөөрөө байдаг нэгэн. Энэ сарын 07-нд болсон "Алтан бөмбөрцөг" наадам дээр ч үүнийгээ баталсан билээ. Учир нь, жүжигчин бүсгүй Анжелина Жолитой нэг ширээнд суусан аж. Жолигийн "мөнхийн дайсан" болсон Женнифер Энистон тайзан дээр үг хэлж байх үед Дакота Анжелина руу хулгайн нүдээр харж буй нь камерын дуранд өртчихжээ. 
 
Тэдний ширээ тайзны урдхан талд байсан бөгөөд Жоли яг тайз руу харж сууж таарсан ч Энистоныг үг хэлж байх үеэр жишим ч үгүй хоол идэж байгаа нь харагдана. Харин Анжелинагийн царай яаж хувирч байгаа нь сонирхлыг нь маш их татсан тул Дакота Жонсон өөрийн эрхгүй түүнийг нүднийхээ булангаар харжээ. 
 
Гэхдээ түүний сониуч занг хүмүүс буруутгаагүй юм. Учир нь, түүний оронд байсан бол хэн ч тэгэх байсан биз. Брэд Питт Анжелина Жолигоос болж Женнифер Энистоныг орхисноос хойш алдартнууд бие биенээ нэг нүдээрээ ч харахаа больсон. Тэд нэг нэгнээ харахыг ч хүсдэггүй учраас хэзээ ч нэг арга хэмжээнд хамт оролцдоггүй байсан. Харин Жоли, Брэд хоёр салсны дараа анх удаагаа Женнифер Энистон өстөнтэйгээ нэг арга хэмжээнд оролцож буй нь энэ юм. 
 
Тэгэхээр энэ тохиолдолд тэдний бие бие рүүгээ яаж харж байгааг анзаарахгүй өнгөрөхийг хүсэхгүй хүн байхгүй л болов уу. 
Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх