Давсны уусмал нь ногоон байгууламжид халтай


Нийслэлд багахан хэмжээний цас ороход л гудамж талбай, авто замд халтиргаа гулгаа үүсч, хөдөлгөөн эрс удааширдаг нь гэм биш зан. Түүнийг зохицуулдаг ганц арга нь автомашины зам дээр давс (NaCe) болон бусад химийн бодисын найрлагатай нунтаг зүйлийг цацах явдал байдаг. Иргэдийн унаа тэрэгний доод эд ангид халтай гэж ярьдаг ч үнэндээ үүнээс өөр шилдэг аргыг бид одоохондоо олоогүй л байна. Гэвч сүүлийн үед бас нэг сөрөг үр дагавар гарах нөхцөлийг манайхан бүрдүүлдэг боллоо. Энэ нь автомашины замын хашлага (брюдор) дагаж цастай холилдон хуримтлагдсан бодисыг хашлага дөнгөж давуулаад овоолж байгааг нэг бус удаа харав. Хэдийгээр одоо цасан дээр овоолж байгаа мэт боловч энэ нь ногоон байгууламжийг устгах нөхцөл болохыг мэргэжлийн хүн хэлж байна. Учир нь, хавар ирж цас хайлахын цагт энэхүү бодис нь хөрсөнд шингэж, өвс ургамал ургахын аргагүй болгож хатаадаг аж. Ингэснээр хотын төвд багахан талбайг эзэлдэг ногоон байгууламж улам багасах үндэс болох нь Тиймээс зам талбайд асгаж, нэг удаа ашигласан дээрх химийн бодисыг нар ховорхон үзэж, мөнхийн цэвдэгтэй мэт байдаг орон сууцны дундах зам дээр аваачиж асгадаг болмоор юм. Нэг удаа ашиглаж, цастай холилдсон ч давсны хоруу чанар хадгалагдсаар байдаг аж. Эсвэл гэр хорооллын мөсөн гулгуур шиг гудамжаар дахин цацаж ашигласан ч болох мэт. Ямартай ч гудамж талбайдаа үнс асгаж бохирдуулснаас л дээр байх.

Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх