БСШУС-ЫН САЙД Ц.ЦОГЗОЛМАА СОЛОНГОС ДАХЬ МОНГОЛ СУРГУУЛИЙН БАГШ НАРЫГ ШАГНАВ

Боловсрол Admin Галаа 2018 02 сар 08 452

Монгол Улсын БСШУС-ын сайд Ц.Цогзолмаа БНСУ-ын Пёнчан хотноо зохион байгуулагдах өвлийн XXIII Олимпийн наадмын арга хэмжээнд оролцохоор 2018 оны 2 дугаар сарын 7-12-ны өдрүүдэд БНСУ-д ажлын айлчлал хийж байна. 

Энэ үеэр сайд Ц.Цогзолмаа Солонгос дахь Монгол сургуулийн багш А.Эрдэмтөгс, Б.Өлзийсайхан нарыг Монгол Улсын Засгийн газрын шагнал “Боловсролын тэргүүний ажилтан” тэмдгээр, Г.Халиун, Т.Цэлмэг нарыг “Арга зүйч багш” тэмдгээр, багш Д.Нанжидсүхийг БСШУСЯ-ны  “ЖУУХ БИЧИГ”-ээр тус тус шагнав.

Тэрээр Солонгос дахь Монгол сургуулийн багш нарт удахгүй болох Цагаан сарын мэндчилгээ дэвшүүлж, ажлын амжилт хүсэн ерөөв.

1999 оноос үйл ажиллагаа эхэлсэн Солонгос дахь Монгол сургууль нь эдүгээ 14 багш, 310 сурагчтайгаар Ерөнхий боловсролын хөтөлбөрийн сургалтыг хэрэгжүүлж байгаа болно. 

Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх