“Жаст групп” ХХК-ийн ерөнхийлөгч асан Ш.Батхүүг "Эрдэнэт үйлдвэр"-ийг барьцаалж их хэмжээний зээл авсан гэх хэргээр сар гаруйн өмнө АТГ-аас баривчлан, цагдан хорьсон билээ. Тэгвэл түүний биеийн байдал тун хүнд байгаа тухай ойрын эх сурвалжууд нь мэдээллээ. Ноён Ш.Батхүү нэлээд хэдэн жилийн өмнөөс чихрийн шижин өвчнөөр өвдсөн бөгөөд сүүлийн жилүүдэд эрчимтэй эмчилгээ хийлгэж байсан гэдэг. Харин хоригдсоноос хойш биеийн байдал нь хүндэрч хорих 461-р ангийн эмчийн хяналтад байсан юм байна. Тэгвэл сүүлийн хоёр хоног түүний өвчин хүндэрч, хорихын эмч нарыг багагүй сандаргасан гэнэ. Түүнчлэн түүнийг эмчийн байнгын хяналтад шилжүүлсэн байна. Өмгөөлөгч нь эмнэлэгт хэвтүүлэх талаар хөөцөлдөж буйг эх сурвалжууд мөн мэдээлсэн. "Буян"-гийн Б.Жаргалсайхан "Ш.Батхүүг шоронд үхүүлж болохгүй" хэмээсэн удаатай. Магадгүй хууль, шүүхийнхэн ч түүнтэй ижилхэн бодолтой байгаа болов уу.