Өнөөдөр Энэтхэг рүү тусгай үүргийн нислэг үйлдэнэ


БНЭУ-ын Дели хот руу энэ сарын 18-нд буюу өнөөдөр тусгай үүргийн нислэг үйлдэж, иргэдээ авчрах шийдвэр гаргасан талаар УОК-ын шуурхай штабаас мэдээлсэн билээ. Уг нислэгээр өндөр настан, хөгжлийн бэрхшээлтэй иргэн, жирэмсэн, нялх хүүхэдтэй, эдийн засгийн хүндрэлтэй иргэдийг авчрах юм. Тусгай үүргийн онгоц энэ сарын 19-нд Улаанбаатарт газардана.

Харин тус улсад шавилан сууж байгаа ламхай нарыг дараагийн нислэгт хамруулах талаар судалж байгаа аж. Энэ талаар Гадаад харилцааны яамны Консулын газрын захирал Л.Мөнхтүшиг “Ламхай нарын хувьд Дели хотоос 2000 гаруй км-ийн зайтай газар  шавилан суудаг. Эдгээр иргэнийг 2000 км газар өвчний тархалт өндөр бүс нутгуудаар дамжуулж  Дели хотод авчрах нь  өөрөө эрсдэлтэй байгаа юм. Энэ бүх хүчин зүйлийг харгалзан үзэж, шавилан суудаг газарт нь хамгийн ойр байрлах  хотуудад нислэг хийж болох эсэхийг судалж байна” гэсэн юм.

Эх сурвалж: www.TODAY.mn

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй


Сэтгэгдэл үлдээх