“Алт-2” хөтөлбөрийн хүрээнд Хөгжлийн банкнаас зээл авсан компаниудын хэргийг хэлэлцэнэ

               
2022-03-30 0

Улсын Дээд шүүх маргааш /2022.03.31/Хөгжлийн банкны нэхэмжлэлтэй иргэний хэргийг хэлэлцэнэ.

Тодруулбал, “Монгол Улсын Хөгжлийн банк” ХХК-ийн нэхэмжлэлтэй, “Сонгоулд” ХХК, “Өрмөн Уул групп” ХХК-д тус тус холбогдох иргэний хэргийг хариуцагч нарын төлөөлөгч болон гуравдагч этгээд Д.Мөнхбилэгт, А.Сэлэнгэ, Д.Оюунбилэг нарын гаргасан гомдлоор хэлэлцэх юм.

“Сонгоулд”, “Өрмөн Уул Групп” компани нь “Алт-2” үндэсний хөтөлбөрийн хүрээнд Хөгжлийн банкнаас 2017 онд 17.3 тэрбум төгрөгийн зээл авчээ. Уг компаниуд зээлийн эргэн төлөлтийг 43 сараар хэтрүүлж, өнгөрсөн хугацаанд зээлийн өр төлбөр, хуримтлагдсан хүү 19.7 тэрбум төгрөгт хүрсэн байна.

Иймд Хөгжлийн банкнаас 2019 онд Баянзүрх дүүргийн Иргэний хэргийн анхан шатны шүүхэд зээлийг төгрөг төлүүлэхээр нэхэмжлэл гаргасан. Маргаан гурав дахь жилдээ үргэлжилж байна.

Холбоотой мэдээ