Товчхон
               

АНУ өдөрт 1 сая баррель газрын тосыг нөөцөөсөө гаргана

               
2022-04-02 0

АНУ-ын ерөнхийлөгч Ж.Байден ирэх зургаан сарын хугацаанд стратегийн газрын тосны нөөцөөс өдөр бүр 1 сая баррель газрын тосыг гаргана гэж мэдэгдсэн хэмээн Цагаан ордон пүрэв гарагт мэдээлэв.

Цагаан ордоны мэдэгдэж буйгаар, “дэлхий дээр өдөрт 1 сая баррель газрын тосыг ийм урт хугацааны туршид нөөцөөс гаргах арга хэмжээ урьд өмнө нь байгаагүй” гэжээ.

Энэхүү арга хэмжээг авч хэрэгжүүлснээр оны эцэст дотоодын үйлдвэрлэл нэмэгдэх хүртэл газрын тосны нийлүүлэлтийг дээд амжилтад хүргэх юм.

Өмнө нь ерөнхийлөгч Ж.Байден өнгөрсөн оны 11 дүгээр сард 50 сая баррель, энэ оны 3 дугаар сард 30 сая баррель газрын тосыг нөөцөөс гаргах зарлиг буулгаж байв.

Ташрамд дурдахад, 2 дугаар сарын 24-ний өдөр ОХУ Украин улс руу довтолсоноос хойш АНУ болон түүний холбоотнууд дэлхийн хоёрдагч том газрын тосны олборлогч болох ОХУ-ын эсрэг хатуу хориг арга хэмжээ авсан. Улмаар худалдан авагчид ОХУ-ын газрын тосыг худалдан авахаас зайлсхийж, газрын тосны үнэ өсөхөд хүргэсэн юм. 

Холбоотой мэдээ