Өнгөрсөн амралтын өдрүүдэд Тээврийн цагдаагийн албаны жижүүрийн шуурхай удирдлагын хэлтэст зам тээврийн ослын шинжтэй 463 дуудлага мэдээллийг ирүүлжээ. Бүртгэгдсэн зам тээврийн ослын улмаас 8 хүн гэмтэж бэртсэн ба ноцтой зам тээврийн ослын улмаас орон нутагт 1 хүн амиа алджээ.
Түүнчлэн дөрөвдүгээр сарын 2, 3-ны амралтын өдрүүдэд хүүхэд өртсөн 3 осол бүртгэгдэж, 2 хүүхэд гэмтэж, 1 хүүхдийн амь хохирсон байна.
Айл өрх бүрт бага насны хүүхдийг гэр хорооллын хашаанд, байрны гаднах зогсоол, тоглоомын талбайд, хөдөө айлын гадна зогсож байгаа тээврийн хэрэгслийн хөдөлгөөн эхлэх, зогсох үед тухайн хэсэгт тоглож байгаа хүүхдүүдэд аюул, осолтой байдал бий болгохгүйгээр зорчих талаар эцэг эх, асран хамгаалагч анхаарахыг зөвлөж байна.
0 cэтгэгдэлтэй