УИХ-ын гишүүн, Ёс зүй, сахилга хариуцлагын байнгын хорооны дарга Б.Бат-Эрдэнэ өнөөдөр өөрийн цахим хуудастаа төсөв хэмнэхийг уриалж, минимал хэрэглээнд шилжсэн тухайгаа нийтэлсэн байна.
Тэрбээр, “Миний хувьд УИХ-ын Байнгын Хорооны даргын албаны машин унадаггүй улсад машин, жолооч хоёрыг хэмнэж хувийн унаагаар өөрөө бариад алба, амины ажлаа амжуулдаг. Төрийн албаныханыг хот дотор өндөр үнэтэй том жип( 4.0- с 5.7 хөдөлгүүртэй) машинаас татгалзаж төсвийн мөнгө хэмнэхийг уриалж өөрөө хувийн том оврын машинаасаа буугаад арваад жил боллоо. Энэхүү уриалгыг дарга нараас түрүүн ард иргэд талархан дэмжиж зөв зохист хэрэглээнд ( Минимал хэрэглээ) шилжиж байна. Баялаг бүтээгч хувийн хэвшил, бизнес эрхлэгчдийн хэрэглээ өөр байх нь зайлшгүй харин татвар төлөгчдийн хөрөнгийг захиран зарцуулж байгаа төрийн албаныхан илүү хэмнэлттэй, ил тод, хяналтанд үйл ажиллагаагаа явуулах үүний зэрэгцээ нийгэмд үргэлж зөвийн үлгэртэй байх ёстой” гэжээ.
0 cэтгэгдэлтэй