Товчхон
               

Д.Батгэрэл UFC-ийн дараагийн тулаандаа оролцохоор Тайландыг зорилоо

               
2022-05-06 0

Монголын холимог тулааны тамирчин Д.Батгэрэл дэлхийн хэмжээний UFC-ийн тавцан дээрх ээлжит тулааны бэлтгэлээ хийхээр Тайланд улсыг зорилоо.

Д.Батгэрэл нь Монголын хамгийн анхны UFC тамирчин ба холимог тулааны төрөлд маш амжилттайгаар өрсөлдөж байна. Түүний дараагийн тулаан ирэх сарын 11-ны өдөр Сингапур улсад болох юм байна. Энэхүү тулаан нь Д.Батгэрэлийн UFC дэх 6 дахь тулаан бөгөөд түүний дараагийн тулалдах өрсөлдөгч бол Солонгос улсын холимог тулааны тамирчин Kang Kyung-ho гэнэ.

зураг

Дэлхийн хэмжээний тавцан дээр өрсөлдөж буй Шуурга хочит Д.Батгэрэл нь UFC-ийн тулаануудад ээлж дараалан гайхалтай ялалтуудыг байгуулж байсан түүхтэй. Тухайлбал, 2020 онд Аргентин улсын тамирчин  Guido Cannetti-тэй тулалдан эхний үеийн 3 минут 1 секундэд хүнд цохилтоор ялалт байгуулж байсан бол үүний дараа 2021 онд АНУ-ын Kevin Natividad тамирчинтай тулалдан эхний үеийн 50 секундэд мөн адил хүнд цохилтоор ялалт байгуулж байв. Түүнчлэн Д.Батгэрэл мэргэжлийн холимог тулааны төрөлд нийт 15 удаа тулалдсанаас 12-т нь ялалт байгуулсан тамирчин юм.

зураг

Мөн тэрбээр дэлхийн хэмжээний дэвжээн дээр амжилттайгаар тулалдахын хажуугаар IHC-ийн хамт олонтой хамтран хөгжлийн бэрхшээлтэй хүүхдүүдийн ирээдүйн хөгжилд хувь нэмрээ оруулах зорилготой IHC Batgerel Fundraising сайн үйлсийн аян эхлүүлсэн билээ.

Холбоотой мэдээ