Орон сууцны айл өрхүүдийн халаалтыг энэ сарын 15-наас зогсооно

               
2022-05-10 0
Гэрэл зургийг: MPA

Жил бүрийн тавдугаар сард айл өрх болон ААН-үүдийн халаалтыг зогсоодог. Энэ хүрээнд тавдугаар сарын 15-ны өдрөөс орон сууцны айл өрх болон сургууль, цэцэрлэг бусад төрийн байгууллагуудын халаалтыг албан ёсоор зогсоох юм байна. Харин зарим ААН, байгууллагын халаалтыг тавдугаар сарын 1-нээс зогсоожээ.

Ирэх оны өвөлжилтийн бэлтгэл ажлыг хангах зорилгоор дулаан хангамжийн шугамын зуны их болон бусад засварын ажлуудыг тавдугаар сарын 15-наас эхлүүлэх гэж буйгаа Улаанбаатар Дулааны Сүлжээ/УБДС/ ТӨХК-аас мэдэгдээд буй.

ОСНААҮГазар болон хувийн орон сууцны конторуудад 2022 оны есдүгээр сарын 15-наас өмнө амжиж шаардлагатай засварын ажлуудаа хийж дуусгах, нягтын шахалт, туршилт хийх, гэмтэлтэй шугам тоноглолд үзлэг шалгалт хийх, эвдэрхий хаалт арматур болон температур тохируулах хаалтуудыг цэвэрлэх, засварлах, шинэчлэн сайжруулах талаар албан шаардлагуудыг хүргүүлж буй аж. Есдүгээр сарын 15-нд айл, өрх, сургууль, цэцэрлэг болон ААН-үүдийн халаалтыг залгадаг билээ.

Холбоотой мэдээ