Товчхон
               

Өрнийн зурхай: Тавдугаар сарын 16-23-ний өдөр

               
2022-05-16 0

Уншигч та бүхэнд тавдугаар сарын 16-23-ний өдрийн өрнийн зурхайг хүргэж байна.

Хонь

Aries zodiac sign icons. vector

Энэ долоо хоног гайхалтай үр дүнтэй үргэлжилнэ. Ажил мэргэжлийн хувьд таны бүтээлч чадвар, дасан зохицох чадвар сайжирна. Шийдвэр гаргахдаа зоригтой байхыг зөвлөж байна. Өөрийн бодолдоо итгэлтэй байж, бусдын өмнө бодсон санаснаа илэрхийлэхээс бүү зовоорой. Хилийн чанадад суралцахаар зорьсон оюутан, сурагчид хичээл зүтгэлийнхээ үр шимийг хүртэх бололтой. Хайртай хүндээ дотоод сэтгэл мэдрэмжээ харамгүй нээгээрэй. Гэрлэсэн хүмүүс ханьтайгаа аль болох их цагийг өнгөрүүл.

Үхэр

Taurus zodiac sign icons. vector

Ажил дээрээ стрессгүй амар амгалан байна. Та маш их хүчин чармайлт гаргасан тул зорилгодоо хүрэхэд ойрхон байна. Гэсэн хэдий ч дараа нь асуудал үүсч болзошгүй тул ая тухтай бүсэд хэтэрхий гүн орохоос зайлсхий. Өмч хөрөнгө өвлөн авах юм уу, ямар нэгэн гэнэтийн орлого, урамшуулал авах магадлалтай байна. Үл хөдлөх хөрөнгө худалдан авах шийдвэр гаргаж болзошгүй. Гэр бүлийн тань хүний цалин нэмэгдэж магадгүй. Та гэр бүлтэйгээ аль болох их цагийг өнгөрөөж, тайван, сэтгэл хангалуун байх нь. Хайртай хүмүүсийнхээ эрүүл мэндэд анхаар.

Ихэр

Gemini zodiac sign icons. vector

Таны гялалзсан чадвар, шаргуу хөдөлмөрийг удирдлагууд тань үнэлнэ. Тиймээс та эрч хүч, урам зоригоор дүүрэн байх нь. Энэ нь танд хийхээр төлөвлөж байсан бүх ажлаа дуусгах боломж олгоно. Гэхдээ хэт өөртөө итгэлтэй байж, нэг дор олон зүйл барьж авахаас зайлсхий. Энэ долоо хоногт богино аялал хийж магадгүй. Гэр бүл, найз нөхөд, хамаатан садантайгаа харилцах харилцаанд бага зэрэг хүндрэл үүсч болзошгүй. Оюутан, сурагчид идэвхтэй, сониуч, бүтээлч байна.

Мэлхий

Cancer zodiac sign icons. vector

Энэ долоо хоногт санхүүгийн байдал сайжирч, ашигтай ажиллана. Газар, эсвэл үл хөдлөх хөрөнгө худалдаж авахад тохиромжтой. Эцэг, эх тань танд сэтгэл санааны болон санхүүгийн дэмжлэг үзүүлнэ. Бусдад нөлөөлөх чадвар тань сайжирч, ашигтай гэрээ хэлцэл хийх боломж гарна. Санхүүгийн хувьд ашигтай албан аялал хийж магадгүй. Гэхдээ хэн нэгэнд мөнгө зээлэхээс зайлсхий. Хувьцаа, хөрөнгө оруулалтаар ашиг олж магадгүй.

Арслан

Leo zodiac sign icons. vector

Энэ долоо хоногт та шаргуу хөдөлмөр, ур чадварынхаа ачаар ажил дээрээ нэр хүндээ нэмэгдүүлнэ. Та хайрцагнаас гадуур сэтгэж, бүтээлч сэтгэлгээ тань маш өндөр байна. Оюун бодол тань шинэ санаагаар дүүрэн байгааг ашиглаж, ирээдүйн зорилгоо тодорхойлж, стратеги боловсруулахад тохиромжтой. Бизнес эрхлэгчдийн хувьд шинэ хамтын ажиллагаа, түншлэл, санхүүгийн хөрөнгө оруулалт хийхэд таатай байна. Хүүхдүүд тань гадаад улсад боловсрол эзэмшихээр явж магадгүй.

Охин

Virgo zodiac sign icons. vector

Энэ долоо хоногт гэр орноо тохижуулах гэх мэт ая тухтай амьдралын төлөө бодож байснаасаа илүү их мөнгө зарцуулах шаардлагатай болж магадгүй. Өрсөлдөгчидтэйгөө санал зөрөхөөс зайлсхий. Та яаран дүгнэлт хийж, өөрийгөө эрсдэлд оруулж болзошгүй байгаа тул анхаарна уу. Шаардлагагүй зээл авахаас зайлсхий. Ажил ихтэй байж илүү цагаар орой болтол сууж магадгүй. Бодсон санаснаа үр дүнтэй хэрэгжүүлж чадахгүй байснаас болж сэтгэл санааны дарамтад орж болзошгүй. Санаа зовнилтоос болж шөнийн нойроо алдах вий. Тайвширч, аливаад уужуу ухаанаар хандаарай.

Жинлүүр

Libra zodiac sign icons. vector

Энэ долоо хоногт та орлогоо нэмэгдүүлэх, ирээдүйгээ баталгаажуулах эрэл хайгуул хийнэ. Дараа нь харамсч магадгүй тул гэнэтийн худалдан авалтаас зайлсхий. Долоо хоногийн дундуур та завгүй, шахуу хуваарьтай байх нь. Богино аялал хийж болзошгүй бөгөөд энэ нь багийнхантайгаа харилцах харилцааг тань сайжруулна. Шинэ найз нөхөдтэй болоход тохиромжтой. Долоо хоногийн сүүлээр гэр бүлдээ анхаарал хандуулаарай. Ганцаараа баймаар санагдаж магадгүй. Ходоод, гэдэс хямарч болзошгүй тул эрүүл мэнддээ анхаар.

Хилэнц

Scorpio zodiac sign icons. vector

Энэ долоо хоногт та ердийнхөөсөө илүү мэдрэмжтэй байна. Амьдралыг шинэ өнцгөөс харж, хүрээлэн буй орчноо мэдэрч, ойр дотныхондоо мэдрэмжээ илэрхийлнэ. Ажил, мэргэжлийн тал дээр байр сууриа ахиулж, цалингаа нэмүүлж магадгүй. Контент бичих, хэвлэн нийтлэх гэх мэт бичгийн чиглэлээр ажилладаг хүмүүст энэ долоо хоног ээлтэй сайн байна. Оюутнууд шалгалт болон бусад тэмцээн уралдаандаа амжилттай оролцоно. Зээл хөөцөлдвөл бүтэх магадлалтай.

Нум

Sagittarius zodiac sign icons. vector

Энэ долоо хоногт бие болоод сэтгэлийн эрүүл мэнд гайхамшигтай сайн байна. Аз таны талд байх тул аливаа санасан үйлс тань амжилттай бүтнэ. Чухал ажил, төслүүдээ цаг тухайд нь дуусгаж, үг бус үйлдлийн хүчийг хамтрагчиддаа харуулах бололтой. Шинэ боломжийг эрэлхийлж буй хүмүүсийн хувьд үр бүтээлтэй долоо хоног болно. Бизнес эрхлэгчид гэрээ, хэлэлцээрээ амжилттай хийнэ. Хөрөнгө оруулалт хийх буюу хөрөнгөө үржүүлэхэд таатай. Оюутан, сурагчид хилийн чанадад суралцах боломжтой болно.

Матар

Capricorn zodiac sign icons. vector

Өв залгамжлах, эсвэл өмнөх хөрөнгө оруулалтаас гэнэтийн ашиг орж ирж болзошгүй. Судалгааны үе шатандаа явж байсан ажил тань эерэг үр дүнтэй байна. Ажил дээрээ авьяас чадвараараа онцгойрч, хамтран ажиллагсад болон удирдлагуудынхаа сайшаалыг хүлээнэ. Асуудал шийдвэрлэх чадвар тань өндөр байна. Бизнес эрхлэгчдийн орлого мэдэгдэхүйц нэмэгдэнэ. Ойр дотнын хүмүүстэйгээ амьд харилцаатай байснаар тэдний зүрх сэтгэлийг байлдан дагуулж чадна.

Хумх

Aquarius zodiac sign icons. vector

Энэ долоо хоногт гэр бүлийн амьдрал онцгой аз жаргалтай байна. Ханьтайгаа дэндүү сайн ойлголцож, эв найртай байх нь. Ажил мэргэжлийн тал дээр таны өөртөө итгэх итгэл нэмэгдэж, илүү үр дүнтэй ажиллана. Бусадтай нээлттэй харилцаж, санал бодлоо чөлөөтэй илэрхийлээрэй. Бизнес эрхлэгчид шинэ төсөл, санаачлага гаргахад тохиромжтой. Гэр бүлийн тань хэн нэг нь албан тушаал ахиж, баяр баясгалантай байна. Хосууд аль болох хамтдаа цагийг өнгөрүүлээрэй.

Загас

Pisces zodiac sign icons. vector

Энэ долоо хоног зарлага ихтэй байх нь. Түүнийг дагаад сэтгэлийн түгшүүр, хурцадмал байдал үүсч болзошгүй. Эрүүл мэндэд асуудал үүсч болзошгүй тул анхаарна уу. Ажил, мэргэжлийн хувьд бүх зүйл зөв голдиролоороо явах тул санаа зовох хэрэггүй. Таны хичээл зүтгэлийг зохих ёсоор нь үнэлнэ. Албан тушаал ахиж ч магадгүй. Хууль эрх зүй, нягтлан бодох бүртгэлийн чиглэлээр ажилладаг хүмүүс ажил дээрээ илүү амжилттай байна. Хэрүүл маргаан, мэтгэлцээнээс хол байхыг зөвлөе. Сөрөг сэтгэл хөдлөлүүд таныг өөрийгөө буруутгахад хүргэнэ.

Холбоотой мэдээ