Наадмын бүх тасалбарыг 7 сарын 1-нээс цахимаар борлуулна

               
2022-06-30 0

Ардын хувьсгалын 100, 101 жилийн ой, Үндэсний их баяр наадмын нээлт болон бусад үйл ажиллагааг үзэх дотоодын болон гадаад иргэдэд тасалбарыг 100% цахимаар борлуулахаар шийдвэрлэжээ. Урьд нь зөвхөн жуулчдын тасалбарыг цахимаар авахаар мэдэгдэж байсан ч Нийслэлийн аялал жуулчлалын газраас бүх тасалбарыг цахимжуулахаар болсон байна.

Үндэсний их баяр наадмын тасалбарыг www.enaadam.mn цахим сайтаар ирэх долдугаар сарын 1-ний өдрөөс борлуулж эхлэх юм.

Тасалбарын үнийн хувьд сүүдрэвчтэй нь 52 мянга 500, сүүдрэвчгүй нь 42 мянган төгрөгөөр борлуулагдана. Энэ нь баяр наадмын өдрүүдэд буюу долдугаар сарын 11-ний нээлт, бөхийн барилдаан, 12-ны өдрийн хаалт хүртэлх наадмын арга хэмжээг үзэх багц үнэ юм байна.

Нэг хүн хоёр тасалбар, автомашины таван зөвшөөрөл авах боломжтой. Наадмын тасалбар болон автомашины зөвшөөрлийг хүргэлтээр авч болох аж.

Харин гадаадын жуулчдын тухайд тасалбар авахдаа:

  • Албан бичиг
  • Нислэгийн тийз захиалгын баталгаажуулалт /Хэзээ, ямар агаарын тээврийн компаниар ирэх/
  • Зочид буудлын захиалгын баталгаажуулалт /Ямар зочид буудалд байрлах/

Тасалбар захиалгын албан бичгийг Нийслэлийн Аялал жуулчлалын газрын бичиг хэрэг болон info@tourism.ub.gov.mn цахим хаягаар хүлээж авах юм байна. Мөн наадмын билетийг борлуулахдаа Цахим хөгжлийн яамны санал болгосон “enaadam.mn” гэх хаягаар худалдаалахаар туршилтаа хийж эхэлснийг албаныхан мэдээллээ.

Холбоотой мэдээ