Товчхон
               

УУХҮЯ: АИ-92 автобензиний үнэ он дуустал тогтвортой байна

               
2022-07-17 0

АИ-92 автобензиний үнэ энэ он дуустал тогтвортой байна гэж Уул уурхай, хүнд үйлдвэрийн яамнаас мэдээллээ.

Тодруулбал, тус яамны зүгээс өнгөрсөн 4-6 сард ОХУ-ын Роснефть компанитай олон удаагийн хэлцэл хийсний үр дүнд өнөөдөр нэг тонн АИ-92 автобензинийг 840 ам.доллароор буюу дэлхийн зах зээлийн ханшаас 25-30 хувийн хямд үнээр худалдан авч дотоодын зах зээлд борлуулж байна.

Үүний үр дүнд АИ-92 автобензиний үнэ өнөөдрийг хүртэл литр нь 2,390 төгрөгт хадгалагдаж байна.

Мөн Ерөнхий сайд Л.Оюун-Эрдэнэ ОХУ-ын Гадаад хэргийн сайд С.Лавровыг манай улсад айлчлах үеэр өргөн хэрэглээний АИ-92 авто бензиний үнийг энэ он дуустал нэмэхгүй байх талаар ярилцаж, хэлэлцээр үр дүнд хүрсэн.

Цаашид өргөн хэрэглээний АИ-92 автобензиний үнийг нэмэхгүй байх тал дээр Засгийн газар, УУХҮЯ-ны зүгээс ОХУ, БНХАУ-тай хэлцээр хийн ажиллаж байна хэмээн мэдээлэв.

Холбоотой мэдээ