Товчхон
               

Налайх дүүргийн 208 дугаар цэцэрлэгийн дулаан алдагдлыг бууруулжээ

               
2022-07-21 0

Улаанбаатар хотын Цэвэр агаар нэмэлт санхүүжилтийн төслийн хүрээнд 2021-2022 онд нийслэлийн гэр хорооллын бүсэд байрлах есөн сургууль, цэцэрлэгийн барилгын дулаан алдагдлыг бууруулахаар төлөвлөсөн.

Уг ажлын хүрээнд Налайх дүүргийн наймдугаар хороонд байрлах 208 дугаар цэцэрлэгийн барилгад дулаан алдагдлыг бууруулах их засвар хийж дууслаа. Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө тэргүүтэй албаныхан тус цэцэрлэгт ажилласан юм.

зураг

208 дугаар цэцэрлэгийн барилга нь хана, суурь зэргээрээ дулаан алдан, өвлийн улиралд тасалгааны температур нь 10-12 хэмтэй байдаг байсны улмаас хүүхдүүдийн дунд хүйтнээс үүдэлтэй өвчин их гарч, анги дүүргэлт муу байсан аж.

Иймд төслийн нэгжийн зүгээс тус цэцэрлэгийн дулаан алдагдлыг бууруулан, эрчим хүчийг хэмнэх зорилгоор 285 сая төгрөгийг төсөвлөж, барилга дулаалах ажлыг 2022 оны зургаадугаар сарын 8-ны өдөр эхлүүлсэн юм. Энэхүү ажлын хүрээнд барилгын бүх цонхыг гурван давхар шил бүхий битүүмжлэл сайтай цонхоор сольж, суурь болон ханыг дулаалж, дээврийг засварлан, шинэчилсэн байна. Ингэснээр Налайх дүүргийн 208-р цэцэрлэгийн 204 хүүхэд дулаан, ая тухтай орчинд сурч, хүмүүжих боломжтой болж, эрчим хүчийг хэмнэх нөхцөл бүрдэж буй юм хэмээн Нийслэлийн Сургалт, судалгаа, олон нийттэй харилцах газраас мэдээлэв.

Холбоотой мэдээ