Бээжингийн олимпын Уран гулгалтын төрөл багийн тэмцээнээр эхэлсэн. Уг төрөлд Олимпын туган дор оролцож буй ОХУ-ын баг алтан медаль, АНУ мөнгө, Япон хүрэл медаль хүртсэн юм. 2014 оны олимпын наадмаас хойш гурав дахь удаагаа болж буй багийн төрлөөс харахад бүх төрлөөр жигд гулгаж буй баг бол Орос байлаа.
Харин АНУ эрэгтэй богино үзүүлбэрт Нэтан Чэнийг оролцуулсан бөгөөд тэр багтаа 10 оноог авчирлаа. Бүжгийн хосууд ч үүргээ сайн биелүүллээ. Япончууд хүрэл медаль хүртэхэд Шома Үно, Юма Кагияма нар гол үүрэг гүйцэтгэлээ. ОХУ-ын баг 2018 оны олимпд алтан медаль авч чадаагүй гол шалтгаан нь эрэгтэйчүүдийн төрөлд бага оноо авсан явдал байсан бол энэ удаагийн олимпд 18 настай Марк Кондратюк багийнхаа итгэл найдварыг алдсангүй, богино үзүүлбэрт 8, чөлөөт үзүүлбэрт 9 оноо авлаа. Ингээд та бүхэнд Бээжингийн олимпын Уран гулгалтын төрөл багийн тэмцээний зургуудаас сонирхуулж байна.
0 cэтгэгдэлтэй