Товчхон
               

Ж.Байден цахилгаан автомашин цэнэглэх станцын төлөвлөгөөг танилцуулав

               
2022-02-14 0

Ж.Байдений засаг захиргаа ирэх таван жилийн хугацаанд цахилгаан автомашин цэнэглэх станц барих таван тэрбум ам.долларын төлөвлөгөөг танилцууллаа.

Өнгөрсөн оны арваннэгдүгээр сард АНУ-ын Конгресс 1 их наяд ам.долларын дэд бүтцийн төслийн хүрээнд мужуудад цахилгаан автомашин цэнэглэх станцуудыг барих ажлыг санхүүжүүлэхийг зөвшөөрсөн. Энэхүү хөтөлбөр нь америкчуудыг бензин хөдөлгүүртэй автомашинаас татгалзахад түлхэц болно гэж үзжээ.

Төлөвлөгөөний дагуу АНУ-ын Засгийн газрын зүгээс энэ онд 615 сая ам.долларын санхүүжилт олгох боловч мужууд эхлээд төлөвлөгөөгөө гаргаж, зөвшөөрөл авах шаардлагатай байна. Ж.Байден 2030 он гэхэд шинээр борлуулагдах автомашинуудын борлуулалтад цахилгаан эсвэл хосолсон хөдөлгүүртэй автомашины эзлэх хувийг 50 хувьд хүргэх, мөн 500 мянган цахилгаан автомашин цэнэглэх станцтай болох хүсэлтэй байна.

Холбоотой мэдээ