Товчхон
               

“Гэм зэм” постдрамын хэвлэлийн хурал болно

               
2022-02-15 0

Ф.М.Достоевскийн “Гэм зэм” романаас сэдэвлэсэн “Гэм зэм” постдрамын жүжгийн хэвлэлийн бага хурал ирэх баасан гарагийн 11:00 цагт Оросын шинжлэх ухаан, соёлын төв (РЦНК)-д болно.

Хэвлэлийн бага хуралд ерөнхий найруулагч М.Батболд, продюсер Т.Ариунчимэг, гол дүрийг бүтээж буй жүжигчин Д.Лхагва болон Төрийн шагналт, Гавьяат жүжигчин Ц.Төмөрбаатар, Гавьяат жүжигчин П.Эрдэнэзаан, Гавьяат жүжигчин Д.Ганцэцэг, СТА жүжигчин Ш.Доржсүрэн, Г.Золзаяа, Х.Баярмаа, жүжигчин Б.Одгэрэл болон жүжгийн бүрэлдэхүүнд шинээр орж ирж буй жүжигчид оролцох юм.

Түүнчлэн хэвлэлийн бага хурлын дараа телевизүүдэд мэдээний дүрс авах боломж олгохын тулд жүжгийн сургуулилтын хэсгээс үзүүлэх аж. Дэлгэрэнгүй мэдээллийг ORFEY Theater хуудсаас болон 89523752 дугаараас аваарай.

Холбоотой мэдээ