Товчхон
               

Монголын эмэгтэй баг ДАШТ-ээс хүрэл медаль хүртэв

               
2022-02-28 0

“Дубай 2022” Пара байт харвааны Дэлхийн аварга шалгаруулах тэмцээнд Монгол улсын баг амжилттай оролцож, нэг хүрэл медаль хүртсэн амжилтаар тэмцээнээ өндөрлүүллээ. Онөөдөр болсон Олимп, Паралимпын үндсэн төрөл болох рекурв (70 м) харвааны эмэгтэй багийн төрөлд Монгол улсын баг (Д.Сэлэнгээ, Б.Жавхлантөгс) хүрэл медаль хүртэж, дэлхийн медальтан болсон сайхан мэдээтэй байна.

Эмэгтэй 8 багаас Италийн баг дэлхийн аварга болсон бол ОХУ-ын харваачид дэд аварга боллоо.Манай харваачид урьдчилсан харваалтаар 5-д эрэмбэлэгдсэн бөгөөд эхний харваанд Туркийн багийг 5:4-р хожиж, хагас шигшээд үлдсэн. Улмаар чансаагаар тэргүүлсэн ОХУ-ын багт 6:0-р дийлдэн хүрэл медалын төлөө харвах болсон юм. Манай багтай урьдчилсан харваанд 2-оор гарч ирсэн Энэтхэгийн хүчтэй баг таарсан ч “Токио 2020” Паралимпын наадмын оролцогч Д.Сэлэнгээ, шигшээ багийн харваач Б.Жавхлантөгс нар маань 5:1-ээр хожин медалын болзол хангалаа. Энэхуу ялалт Монголын пара баг тамирчдын ДАШТ-д узуулж байгаа бахдам амжилт юм. Монголын эрэгтэй баг (А.Анхбаяр 547, П.Мөнхбаатар 541 оноо) эхний тойрогт АНУ-ын багт ялагдсанаар тэмцээнээ өндөрлуулсэн.

Энэ төрөлд Их Британы баг дэлхийн аварга болсон бол ОХУ мөнгө, Ираны баг хүрэл медаль хуртлээ. Мөн холимог Багийн төрөлд манай баг Тайландын багт ялагдсан юм. Ганцаарчилсан төрөлд манай харваачид хоердугаар тойрогт шалгарсан амжилтыг үзүүлэв. Пара байт харвааны ДАШТ-д 30 гаруй орны баг оролцсоноос Монгол Улсын баг эмэгтэй багийн төрөлд хүрэл медаль хүртсэн бахдам амжилттай энэ оны тэмцээнийг эхлууллээ.

Монголын багийн дасгалжуулагчаар МБХХ-ны Удирдах зөвлөлийн гишүүн, Парабайт харвааны шигшээ багийн дасгалжуулагч Баатаржавын Золбоо ажилласан бол багийн орчуулагч, албаны хүнээр Шүүгчдийн зөвлөлийн дарга Цэдэндамбын Нямхатан оролцлоо. Арабын нэгдсэн Эмират улсын Дубай хотод болж буй пара байтын ДАШТ Ням гаригт (02.27) өндөрлөлөө.

Холбоотой мэдээ