Товчхон
               

ТАНИЛЦ: 2022 онд нийслэлд барих дугуйн замууд

               
2022-03-10 0
Зургийн эх сурвалж: MPA

Нийслэлийн Замын хөгжлийн газраас 2022 онд хоёр багц дугуйн замын ажлыг үргэлжлүүлэн гүйцэтгэхээр бэлтгэл ханган ажиллаж байна. Дугуйн зам хаана тавигдах тухай дэлгэрэнгүй мэдээллийг хүргэе.   

Нэгдүгээр багцын гүйцэтгэл: Яармагийн гүүрнээс Налайхын авто зам хүртэлх 17.3 км, Гачууртын уулзвараас Налайх-Чойрын чиглэлийн уулзвар хүртэл дугуйн зам 16.6 км дугуйн замын ажил багтжээ.

Тус замын гүйцэтгэгчээр “Дабелью Экс Пи” ХХК шалгарсан бөгөөд одоогийн байдлаар Яармагийн гүүрнээс Налайхын авто зам хүртэл замын нэг талаар 2.4 м өргөнтэй 17.3 км, Ургах наран хорооллын урд уулзвараас Оргил худалдааны төв хүртэлх 11,6 км унадаг дугуйн замыг авто замын зорчих хэсгийн хоёр талаар 1.2 м өргөн дугуйн зам, нэг метр өргөн явган хүний зам, Оргил худалдааны төвөөс Налайх-Чойрын уулзвар хүртэл нэг талдаа 1.693 км-т гурван метр  өргөн унадаг дугуйн болон явган хүний  замын хучилтын ажлыг хийж гүйцэтгээд байна. Энэхүү багц  ажлын явц 80 хувийн гүйцэтгэлтэй байна.

Унадаг дугуйн зам багц-2 ажлын явц 30 хувийн гүйцэтгэлтэй байна

Хоёрдугаар багцын гүйцэтгэл: “Драгон бридж” ХХК, “МАЗ” ХХК-ийн түншлэлийн гүйцэтгэж буй дугуйн замын барилга угсралтын ажлын хүрээнд МУБИС-аас Офицеруудын ордон хүртэл 3,500 м, Саппорогийн уулзвараас Баянбүрдийн тойрог чиглэлд 1,150 м, Таван шарын автобусны буудлаас 10 дугаар хорооллын уулзвар хүртэл 1,500 м асфальт бетон хучилтын ажлыг хийж гүйцэтгэжээ. Эдгээр байршлуудад хэвтээ тэмдэглэгээний ажлыг хэсэгчлэн хийсэн байна. Унадаг дугуйн зам багц-2 ажлын явц 30 хувийн гүйцэтгэлтэй.

  • Саппорогийн уулзвараас Баянбүрдийн тойрог хүртэлх 4.7 км, дугуйн замын өргөн 2.4 м
  • Монгол Улсын багшийн их сургуулийн урд уулзвараас Зүүн дөрвөн зам хүртэлх 1.5 км дугуйн замын өргөн 2х1.5м
  • Гэсэр сүмийн уулзвараас Анкарагийн гудамж хүртэлх 0.7 км дугуйн замын өргөн 2.5 м
  • Маршалын гүүрнээс Зайсангийн гүүр хүртэлх Туул голын арын далан дагуух дугуйн зам 2.36 км дугуйн замын өргөн 2.5 м
  • Зүүн дөрвөн замын уулзвараас Офицеруудын ордон хүртэлх 2.3 км дугуйн замын өргөн 2х1.5 м
  • Таван шарын автобусны буудлаас 10 дугаар хорооллын уулзвар хүртэлх 4.2 км дугуйн замын өргөн 2х1.5 метр байхаар тус тус төлөвлөжээ.

Холбоотой мэдээ