Товчхон
               

Сүхбаатар аймаг спортоор амжилт үзүүлсэн тамирчдыг шагнаж урамшууллаа

               
2022-03-04 0

Аймгийн Засаг даргын захирамжаар жил бүр УАШТ, ОУ-ын тэмцээн Тив, дэлхийн аварга шалгаруулах тэмцээнд амжилт үзүүлсэн медальт байранд шалгарсан тамирчдыг шагнаж урамшуулдаг. 2021 онд спортын өндөр амжилт гаргасан тамирчид, спортын холбоо /клуб/ дасгалжуулагч нарыг шагнаж урамшууллаа.

Шагналыг аймгийн Засаг дарга М.Идэрбат, Засаг даргын орлогч Г.Мөнхзаяа, аймгийн ЗДТГ-ын Нийгмийн бодлогын хэлтсийн дарга Р.Алтаннар нар гардуулж өглөө.Аймгийн Засаг дарга Улс орон болон орон нутгийн хэмжээнд нэрийн хуудас болон яваа тамирчдадаа баяр хүргэж спортын өндөр амжилт хүслээ. Аймаг орон нутаг спортын салбарт хийгдэж буй хөрөнгө оруулалт бүтээн байгуулалтын ажлаас танилцуулав. Спорт цогцолборын барилга, Сагсан бөмбөгийн заал бүхий зочид буудал, Наадмын талбайн спорт комлекс баригдаж байна. Эдгээр обьект бий болсоноор хүүхдүүд, багш нарын спортоор хичээллэх амжилт гаргах боломжууд илүү өргөн болно гэдгийг онцолсон юм. Шатар, Соропан сампин, Усан спорт, Бодибилдинг, Жюү-Жицү, Таеквондо зэрэг спортын 6 төрөлд Азийн аварга болон Улс бүсийн тэмцээнд амжилттай оролцсон тамирчдад шагналыг гардуулж өглөө.

Холбоотой мэдээ