Товчхон
               

Завхан аймгийн Засаг даргын шуурхай хуралдаанаар хэлэлцсэн асуудал

               
2022-03-15 0

Энэ долоо хоногийн Засаг даргын шуурхай хуралдаан Онцгой байдлын газарт болсон байна. Хуралдааныг Завхан аймгийн Засаг дарга С.Батжаргал удирдан явуулсан юм. Хуралдааны эхэнд Хотын захирагчийн албаны дарга С.Ганцогт, Онцгой байдлын газрын дарга Г.Ганбаатар нар мэдээлэл хийлээ. Мөн 70353511 дугаарын утсанд ирсэн санал хүсэлтийн шийдвэрлэлт, үүрэг даалгаврын биелэлтийг танилцууллаа.

Онцгой байдлын газрын дарга хурандаа Г.Ганбаатар: Гамшгаас хамгаалах иж бүрэн сургууль манай аймагт ирэх 10 сард зохион байгуулагдах төлөвлөгөө гарсантай холбоотойгоор бэлтгэл бэлэн байдлыг хангах зааварчилгаа мэдээлэл өгсөн юм. Үүрэг даалгаврын биелэлт танилцуулагдахад “Орхон АЗЗА” ТӨХК-нь он гарснаас хойш 5 удаагийн үүрэг даалгавар биелүүлээгүй байгаа гэдгийг аймгийн Тамгын газрын ХШҮДАХ-ийн дарга Жанболат мэдээллээ. 

Үүнтэй холбогдуулан аймгийн Засаг дарга С.Батжаргал: Бурхан багшийн сэрэг дүр, Орхон АЗЗА, Ус цаг уур орчны шинжилгээний газар зэрэг байгууллагуудад шалгалт хийж ажлын чанарыг дээшлүүлэх үүрэг өглөө. Түүнчлэн Хотын захирагчийн алба, Баян-Өндөр сум хотын доторх авто замуудад үзлэг хийж газар дээр нь ажиллаж яаралтай нөхөх засварлах хэсгүүдийн судалгааг гаргахыг даалгав. Үүний дараа “Эрдэнэт Ус дулаан түгээх сүлжээ” ОНӨХК-нд байшин хорооллын лифтний асуудлаа СӨХ-д нь хариуцуулж өгөхийг анхаарууллаа. Сууц өмчлөгчдийн холбоо нь хариуцаад засвар үйлчилгээгээ хийлгэж,  Мэргэжлийн хяналтын газар нь хяналтаа тогтмол тавьж байх хэрэгтэй гэв. 

Харин Завхан аймгийн Засаг даргын орлогч А.Түвшинжаргал тус компанийг усны үнэ тарифын талаар тодорхой мэдээлэл өгөхийг үүрэг болгов. Шуурхайн төгсгөлд Засаг дарга 0-5 насны хүүхэдтэй эцэг, эхэд цалинтай чөлөө олгож, цахимаар ажиллуулах нөхцөл боломжийг хангахыг төрийн байгууллагын удирдлагуудад сануулж, хувийн хэвшлийн ААН-дын удирдлагуудад уриалав. Мөн ЭМГ-ыг томуу томуу төст өвчнөөс урьдчилан сэргийлэх мэдээ мэдээллийг эцэг эхчүүдэд тогтмол хүргэх шаардлагатайг анхаарууллаа.  Шуурхай дуусмагц ОБГ-ын дарга хурандаа Г.Ганбаатар төрийн байгууллагын хэлтэс агентлаг газрын дарга нарт ОБГ-ын авто техникүүдийг танилцуулж мэдээлэл өглөө.    

Холбоотой мэдээ